රාමළාන් ඊද් උත්සව සුභ පැතුම

நோன்புப் பெருநாள் வாழ்த்துச் செய்தி!

ஒரு மாத காலம் தொடராக நோன்பு நோற்று, நற்காரியங்களில் ஈடுபட்டு இன்றைய தினம் ‘ஈதுல் பித்ர்’ புனித நோன்புப் பெருநாளைக் கொண்டாடுகின்ற உலகெங்கும் பரந்து வாழும் சகோதர முஸ்லிம் மக்கள் அனைவருக்கும் எனது நோன்புப் பெருநாள் வாழ்த்துக்களை தெரிவித்துக்கொள்வதில் மகிழ்ச்சியடைகின்றேன் ‘ஈத் முபாரக்’

அல்லாஹூதஆலா நாம் நோற்ற நோன்பை அங்கீகரித்து அவனது உயரிய நற்கூலியை தந்தருள வேண்டுமெனவும் பிரார்த்திக்கின்றேன்.

இஸ்லாமியர்களுக்குரிய 12 மாதங்களில் 9வது மாதமான புனித ரமழான் மாதம் நன்மைகளை வாரிவழங்கும் ஒரு மாதமாகக் கருதப்படுகிறது. இந்த மாதத்தில் அல்லாஹூதஆலாவுக்காக நோன்பு நோற்பது தேக ஆரோக்கியமுடைய, வயது வந்த அனைத்து இஸ்லாமியர்களுக்கும் கடமையாக்கப்பட்டுள்ளது. சுமார் 14 மணி நேரம் பசித்திருந்து, விழித்திருந்து, ஒவ்வொருவரும் தன்னை புடம்போட்டுத் தூய்மைப்படுத்தி, அதன் மூலம் மனித சமுதாயத்துக்குப் பல்வேறு நன்மைகளை வழங்கக்கூடிய பயிற்சியினை இந்தப் புனித மாதம் எமக்குக் கற்றுத்தருகிறது.

தற்போது நிலவுகின்ற பொருளாதார மற்றும் உலகளாவிய நெருக்கடியான நிலையில், வரலாற்றில் மிகப் பெரிய சவாலை இலங்கையர்களாகிய நாம் எதிர்கொள்ள வேண்டியுள்ளது. எனவே மகிழ்ச்சிகரமான இன்றைய தினத்தில் நாம் நாடு என்ற ரீதியில் எதிர்கொண்டுள்ள சவால்களை வெற்றிகொள்ளப் புனித ரமழான் மாதம் எமக்குக் கற்றுத்தந்த பாடங்களை மனதில் கொண்டு செயற்படுவோம் என உறுதி பூணுவோம்.

உங்கள் அனைவருக்கும் புனித நோன்புப் பெருநாள் வாழ்த்துக்கள் ‘ஈத் முபாரக்’

ஏ.ஜே.எம். முஸம்மில்
ஊவா மாகாண ஆளுநர்
03-05-2022